KRISTO AMEIBUA HASIRA NA KUPELEKEA SHAHIDI WA KWANZA KUUAWA KIKATILI
Kupigwa kwa mawe kwa Stefano ni matokeo ya kuchemka kwa chuki dhidi ya wale wanaopinga Ukristo. Wakristo walikuwa wanawindwa, wanafungwa gerezani, na kuuawa. Stefano aliyejaa imani na Roho Mtakatifu, alikuwa na neema na nguvu, hata akaifanya miujiza mingi. Mafanikio yake yalileta wivu kwa Wayahudi. Katika yote, Stefano alitoa hotuba ndefu katika baraza la Wayahudi, akieleza jinsi gani imani yake kwa Yesu Kristo inavyoutimiliza mpango wa Mungu kwa Wayahudi. Stefano alipokuwa akizungumza, maneno yake yalikuwa ni kama mafuta kwenye moto yakiwasha hasira za adui zake. Hata Stefano alivyowaita wasaliti na wauwaji wa Kristo, viongozi wa Wayahudi wakawaka hasira na kumsagia meno. Stefano akaangalia juu mbinguni, na kumwona Yesu aliye bwana amesimama mkono wa kuume wa Mungu Baba, jinsi Kanuni ya Imani inavyosema. Hapo Stefano aliburutwa nje ya Yerusalemu na kupigwa mawe hadi kufa, huku Paulo akishuhudia. Maneno ya mwisho ya Stefano yalikuwa ni kuwaombea watesi wake. Damu ya Stefano ilimwagilia mbegu ya imani ya Paulo iliyoota na kusambaa duniani kote. Stefano amekufa kusudi imani iishi. Katika hili alimuiga Kristo mwenyewe.
Sala Ujasiri wako Mt. Stefano na ujuzi wake wa Maandiko Matakatifu, vitufanye walimu na watetezi wa imani, Amina.
@ Claretian Publication