SOMO LA KWANZA
1 Yohane 5:5—13
Somo katika barua ya kwanza ya Mtakatifu Yohane
Wapendwa: Ni nani awezaye kuushinda ulimwengu isipokuwa yeye tu asadikiye ya kuwa Yesu ni Mwana wa Mungu? Ni Yesu Kristo aliyekuja kwa njia ya maji na damu. Hakuja katika maji tu, bali katika maji na damu pia. Ndiye Roho ashuhudiaye, kwa maana Roho ni ukweli. Basi, kuna watatu wanaoshuhudia: Roho, na maji, na damu; hao watatu hushuhudia neno moja. Ikiwa tunapokea ushuhuda wa wanadamu, basi ushuhuda wa Mungu ni mkubwa zaidi. Ushuhuda wa Mungu ndio huu: amemshuhudia Mwanawe. Kila asadikiye kwa Mwana wa Mungu anao ushuhuda huo ndani yake. Asiyemsadiki Mungu amemsingizia kuwa mwongo, kwa sababu hakubali ushuhuda huo aliotoa Mungu juu ya Mwanawe. Huu ndio ushuhuda wake: Mungu ametujalia uzima wa milele, nao uzima umo kwa Mwanawe. Kila aliye na mwana anao uzima. Kumbe kila asiye na Mwana wa Mungu hana uzima huo. Nimewaandikia hayo, mfahamu ya kuwa mnao uzima wa milele, ninyi wenye imani kwa jina la Mwana wa Mungu.
Neno la Bwana.
ZABURI YA KUITIKIZANA
ZABURI 147:12—13, 14—15, 19—20 (K. 12a)
K. Umtukuze Bwana, ee Yerusalemu!
au: Aleluya.
Umtukuze Bwana, ee Yerusalemu,
umsifu Mungu wako, ee Sioni.
Kwani amekaza komeo za malango yako,
amewabariki wana wako ndani yako. K.
Ameweka amani mipakani mwako,
anakushibisha kwa unono wa ngano.
Hupeleka amri yake duniani. K.
Humjulisha Yakobo neno lake,
Israeli amri na kanuni zake.
Hakulitendea taifa jingine lolote lile hayo,
wala hawakujizuia kanuni zake. K.
SHANGILIO LA INJILI
MARKO 9:6
K. Aleluya. W. Aleluya.
K. Wingu likatokea, likawatia kivuli. Sauti ikatoka katika wingu ikisema, "Huyu ni Mwanangu mpendwa, msikilizeni yeye."
INJILI
Marko 1:7—11
† Somo la Injili takatifu ilivyoandikwa na Marko
Wakati ule: Yohane alihubiri akisema, "Anayekuja baada yangu ni mwenye nguvu kunipita mimi. Kwake sifai hata kuinama na kumfungulia gidamu ya viatu vyake. Mimi nimewabatiza kwa maji; yeye lakini atawabatiza kwa Roho Mtakatifu." Ikatokea siku zile kuwa Yesu alikuja kutoka Nazareti katika Galilaya, akabatizwa na Yohane katika Yordani. Mara alipotoka kwenye maji, aliona mbingu zinafunguka na Roho akimshukia mfano wa njiwa. Na sauti ilitokea mbinguni, ikisema, "Wewe ni Mwanangu mpendwa; ninapendezwa nawe."
Injili ya Bwana.
Au somo lifuatalo:
Luka 3:23—38
† Somo la Injili takatifu ilivyoandikwa na Luka
Wakati ule: Yesu alipoanza kazi alikuwa na umri kama miaka thelathini. Alidhaniwa mwana wa Yosefu, mwana wa Eli, mwana wa Mathati, mwana wa Lawi, mwana wa Melki, mwana wa Yona, mwana wa Yosefu, mwana wa Matathia, mwana wa Amosi, mwana wa Nahumu, mwana wa Esli, mwana wa Nagai, mwana wa Maathi, mwana wa Matathia, mwana wa Semei, mwana wa Yosefu, mwana wa Yuda, mwana wa Yohanani, mwana wa Resa, mwana wa Zerubabeli, mwana wa Shealtieli, mwana wa Neri, mwana wa Melki, mwana wa Adi, mwana wa Kosamu, mwana wa Elmadamu, mwana wa Eri, mwana wa Yoshua, mwana wa Eliezeri, mwana wa Yorimu, mwana wa Mathati, mwana wa Lawi, mwana wa Simeoni, mwana wa Yuda, mwana wa Yosefu, mwana wa Yonamu, mwana wa Eliakimu, mwana wa Melea, mwana wa Aramu, mwana wa Hesroni, mwana wa Peresi, mwana Yuda, mwana wa Yakobo, mwana wa Isaka, mwana wa Abrahamu, mwana wa Tera, mwana wa Nahori, mwana wa Serudi, mwana wa Ragau, mwana wa Pelegi, mwana wa Eberi, mwana wa Sala, mwana wa Kenani, mwana wa Arfaksadi, mwana wa Shemu, mwana wa Nuhu, mwana wa Lameki, mwana wa Methusela, mwaka wa Henoki, mwana wa Yeredi, mwana wa Mahaleli, mwana wa Kainamu, mwana wa Enoshi, mwana wa Sethi, mwana wa Adamu, mwana wa Mungu.
Injili ya Bwana